УИХ-ын гишүүд томилолттой гэдэг шалтгаанаар орон нутагт сонгуулийн ухуулга хийж байна

М.Төгөлдөр

2021/06/04

2021 оны Монгол Улсын Ерөнхийлөгчийн сонгуулийн үйл явцын хяналт, мониторингийн дүнг "Шударга сонгуулийн төлөө Иргэний нийгмийн хяналт сүлжээ" танилцуулж байна. Сонгуулийн сурталчилгаа явагдаж байгаа энэ үед УИХ-ын гишүүд орон нутагт томилолттой гэдэг шалтгаанаар сонгуулийн сурталчилгаанд явж байна гэдгийг хэллээ. Хэдийгээр энэ нь хуулиар хориглоогүй ч томилолтын мөнгө хаанаас гарч байгаа нь тодорхойгүй гэдгийг хэлж байна.

Мөн гадаадад байгаа 112 мянган сонгогчоос 4,6 хувь нь буюу 5000 гаруй хүн сонгуулийн санал өгсөн байна. Энэ нь маш чамлалттай үзүүлэлт юм гэдгийг хэлж байна. Энэ удаагийн сонгуульд сонгууль дуусахаас хоёроос доошгүй хоногийн хугацаанд сонгогчийн нэрсийн жагсаалтыг өгч байгаа нь сонгогчийн хаягийн бүртгэл түүнтэй холбоотой асуудлыг энэ богино хугацаанд бүртгэж, нягталж чадах эсэх нь эргэлзээтэй гэдгийг мөн хэллээ. Энэ удаагийн Ерөнхийлөгчийн сонгуульд санал авах байранд камержуулалт хийсэн байна. Энэ нь сонгогчийн саналын нууцлалыг хадгалж, санал өгөхтэй холбоотой зөрчлийг арилгахад чухал нөлөөтэй аж. Мөн залуус сонгуулийн үйл явцад хөндлөнгийн, хараат бус ажиглалт хяналт хийж байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ