"Жавзандамба хутагт төв", "Доече Вэллэ" ХХК хамтран ХҮСТ-д асаргааны бүтээгдэхүүнүүд хандивлалаа

"Хавдар судлалын үндэсний төв" эмнэлэгийн Хөнгөвчлөх эмчилгээний тасагт Бурхны шашны "Жавзандамба хутагт төв" болон "Доече Вэллэ" ХХК хамтран асаргаа шаардлагатай өвчтөнүүдэд нэн шаардлагатай европын орнуудад үйлдвэрлэгдсэн асаргааны бүтээгдэхүүнүүд хандивлалаа. 

ХСҮТ-ийн Хөнгөвчлөх эмчилгээний тасаг нь 21 ор, 4 эмч, 1 эм зүйч, 11 сувилагч, 2 туслах сувилагчтайгаар ажилладаг юм.  Илаарших боломжгүй болсон хорт хавдрын төгсгөлийн шатандаа орсон үйлчлүүлэгч (хүүхэд болон насанд хүрэгч), түүний ар гэр, асран хамгаалагч нарын амьдралын чанарыг дээшлүүлэх, сэтгэл зүйн тусламж, оюун санааны тусламж, нийгмийн халамж үйлчилгээ, гэр бүлийг амраах тусламж үйлчилгээ, нэр хүндийг өргөх тусламж үйлчилгээ, амьдарлын төгсгөлийн шатны тусламж үйлчилгээ, нас барсны дараахь уй гашуу тайлах тусламж үйлчилгээ, өвчтөний өвдөлт болон биеийн зовиур шаналгааг хөнгөвчлөхөд чиглэсэн эмчилгээ, сувилгаа, асаргаа, сургалтыг явуулдаг юм.