Зүүн тийш хазайлт өгсөн цамхагт краныг буулгажээ

Сүхбаатар дүүргийн 6 дугаар хороо орон сууцны барилга угсралтын ажилд ашиглахаар угсарсан улсын бүртгэлийн 2167 дугаартай дугаартай TC-50 маркийн цамхагт краны угсралт, техникийн байдалд ерөнхий гүйцэтгэгч “Билгүүн Монгол констракшн” ХХК-ийн төлөөлөгчийг байлцуулан төлөвлөгөөт бус хяналт шалгалтыг хийсэн байна.

Цамхагт кран нь зүүн тийш хазайсан байдалтай байгаа нь “Ачаа өргөх краныг төхөөрөмжлөх, аюулгүй ашиглах дүрэм”-ийн 3.2.2 дахь заалтыг хангахгүй байх тул тус краныг буулгаж аюулгүй ажиллагаа хангах үүргийг өгч краны ажиллагааг зогсоожээ. 
Кран унаж авто зам, түүн дээр зорчих хүн, тээрийн хэрэгсэл мөн “Солонго” зоогийн газрын барилга дарагдах зэрэг ослоос урьдчилан сэргийлж ажилласан байна.