АНУ-ын Конгресс Хятадын эсрэг хориг арга хэмжээг зогсоохгүй байхыг уриалав

АНУ-ын Конгрессын Төлөөлөгчдийн танхим нь Хонконгдах нөхцөл байдлаас үүдээд БНХАУ-ын эсрэг авсан хориг арга хэмжээний дарамтыг үргэлжлүүлэхийг Засгийн газартаа уриалсан тогтоол баталсан байна. Тус тогтоолд Хятадын удирдлага Хонконг дах хүний эрх, эрх чөлөөг зөрчсөн хэвээр байгаа тул хориг арга хэмжээг үргэлжлүүлэн авч, олон талт хориг арга хэмжээ авахын тулд холбоотнуудтайгаа уялдаатай ажиллахыг БайденыЗасгийн газарт уриалсан байна.

Үүний өмнөхөн Бээжингийн зүгээс Вашингтонд хандан  Хонконгийн болон Хятадын дотоод хэрэгт хөндлөнгөөс оролцохоо зогсоохыг уриалж байгаа тухай БНХАУ-ын ГХЯ-ны албан ёсны төлөөлөгч Ван Вэньбин мэдэгдээд байсан юм. 

Хонконгийн Засгийн газар нь Бээжингийн шахалтаар тус тусгай дүүрэгт гэмт хэрэг хийсэн хүмүүсийг эх газрын Хятадын хууль сахиулах байгууллагуудад шилжүүлэн өгч байх тухай хууль баталсан юм. Үүнийг Хонконгийн сөрөг хүчнийхэн хүний эрхийг зөрчсөн үйлдэл гэж хүчтэй эсэргүүцэн олон сарын турш үргэлжилсэн эсэргүүцлийн арга хэмжээ зохион байгуулсан юм.