Японы Засгийн газар МАГАТЭ-д тусламж үзүүлэхэд бэлэн

Токиог “Фүкүшима-1” цөмийн цахилгаан станцын хуримтлагдсан усыг Номхон далай руу асгах шийдвэр гаргасны дараа Олон улсын цөмийн эрчим хүчний агентлаг МАГАТЭ нь Японд хүрэлцэн ирж, газар дээр нь ажиллах болжээ. Иймд Японы Засгийн газар МАГАТЭ-ийн мэргэжилтнүүдийг шаардлагатай судалгааны ажил явуулахад нь бүх талын туслалцаа үзүүлэхэд бэлэн гэдгээ албан ёсоор мэдэгдсэн байна. Японы Засгийн газрын Ерөнхий нарийн бичгийн дарга Кацунобу Като хэвлэлийн хурал дээр “Бид Фүкүшима-1 цөмийн цахилгаан станцын ус хаялгад шинжээчдийн дүгнэлт хийх болсныг дэмжиж байна.  Би Японд энэ зун ирэх МАГАТЭ-ийн шинжээчдэд энэ асуудлаар үр бүтээлтэй тусламж үзүүлэхэд бэлэн” гэсэн байна.  

МАГАТЭ-ийн захирал Рафаэль Гросси нь энэ талаар ярихдаа удирдаж байгаа байгууллага нь цөмийн цахилгаан станцын усан далайд хаяхтай холбоотой хариуцлагыг Японтой нэгэн адилаар үүрэх ёстой гэж мэдэгдээд байсан юм.