Монголын нутгаар дамжих хий дамжуулах хоолойн ТЭҮ гарчээ

Оросын нутаг дах орд газраас шатдаг хийн Хятад руу дамжуулах “Сибирийн хүч-2” дамжуулах хоолойн Монголын нутгаар дайрах хэсэг болох “Союз Восток” гэж нэрлэгдсэн хэсгийн техник-эдийн засгийн үндэслэл гарч батлагдсан тухай “Газпром” компани мэдээлснийг “ТАСС” агентлаг уламжилсан байна.

“Газпром”-оос гаргасан мэдэгдэлд “Техник-эдийн засгийн дүн шинжилгээний ажлын хүрээнд төслийн техник ба технологийн үндсэн үзүүлэлтүүдийг гаргасан. Тухайлбал, дамжуулах хоолойн Монголын нутгаар дайрч өнгөрөх хамгийн зохистой чиглэлийг, энэ чиглэлийн уртыг, хоолойн диаметр, ажлын даралт, шаардлагатай шахах станцын тоо зэргийг гаргасан. Урьдчилсан тооцоогоор энэхүү төслийг хэрэгжүүлэх нь эдийн засгийн шаардлагатай үр өгөөжийг өгнө харуулсан” гэжээ.

Монголын нутгаар дайрах энэхүү “Союз Восток” хий дамжуулах хоолойн тооцоог оны сүүлээр эцэслэн гаргаж дуусан юм байна. Техник эдийн засгийн үндэслэлийг нь төслийн эрэл хайгуул ба техник үндэслэлийг тооцон гарган зорилгоор 2021 оны эхээр Монголд бүртгэгдсэн “Газопровод Союз Восток” нэртэй тусгай зориулалтын компани гүйцэтгэж байгаа юм байна.

Энэ талаар Газпром нь 2019 онд Монголын Засгийн газартай санамж бичигт гарын үсэг зурж, хамтарсан ажлын бүлэг байгуулан бөгөөд 2021-2022 онд хийх ажлын төлөвлөгөөг нь 2021 оны гуравдугаар сарын 11-нд баталгаажуулсан юм байна.

“Сибирийн хүч-2” хий дамжуулах хоолой нь өмнөх “Сибрийн хүч-1” дамжуулах хоолойноос 1,3 дахин илүү хүчин чадалтай байхаар төлөвлөгджээ. Оросын талын мэдэгдсэнээр хий дамжуулах хоолойг Монголын нутгаар дамжуулах саналыг БНХАУ-ын тал гаргасан юм байна.