Мальт арлынхан гадаадын жуулчдад мөнгө өгнө

Мальт арлын удирдлага цар тахлын дараагаар аялал жуулчлалыг сэргээхийн тулд гадаадын жуулчин бүрд 200 хүртэл евро өгч байхаар төлөвлөөд байгаа тухай “Reuters” агентлаг мэдээлсэн байна. Энэ мөнгийг авахын тулд гадаадын жуулчин Мальт арал дээр гурваас цөөнгүй хонох ёстой. Гурав хоногийн арал дээр зочид буудалд өнгөрөөх ёстой. Хэрэв ингэвэл таван одтой зочид буудалд тухалсан жуулчид тус бүр 200 евро, дөрвөн одтойд буусан 150 евро, гурван одтойд буусан бол 100 евро өгөх аж.

Түүнчлэн Мальт олтиргийн хүрээнд багтдаг Гозо арал дээр зочид буудалд буувал мөнгөн шагналыг 10 хувиар нэмэх юм байна. Мальтын Аялал жуулчлалын албаны тэргүүн Клэйтон Бартоло энэ шийдвэрийн талаар ярихдаа “Урамшуулал нь олон улсын аялал жуулчлал сэргэхийн хэрээр Мальтын зочид буудлуудыг өрсөлдөх чадварыг болгоход чиглэсэн юм” гэжээ. 

Мальтын эрх баригчдын тооцоогоор тус улсад 35 мянган гадаадын жуулчин ирж магадгүй байгаа аж. “Reuters” мэдээлж буйгаар Мальт арал дээрх вакцинжуулалт нь Европын холбоондоо нэгдүгээрт явж байгаа, түүнчлэн тэнд COVID-19 шинэ тохиолдлуудын тоо эрс цөөрөөд байгаа тул Засгийн газар нь Европын холбооны удирдлагад хандан аяллыг хялбар болгох үүднээс вакцинжуулалтыг паспорт аль болох хурдан нэвтрүүлэхийн уриалж байгаа аж.