Донбассыг эсрэг их хүч хэрэглэвэл Орос оролцохоос өөр аргагүй болно

Салан тусгаарлах бодлого явуулж байгаа Донбасс нутгийг эргүүлэн авахын тул Киеийн удирдлагууд өргөн хэмжээний байлдааны ажиллагаа явуулбал сүйрч дуусна гэдгийг ОХУ-ын Ерөнхийлөгчийн захиргааны ордогч Дмитрий Козак мэдэгдсэн байна.

Тэрээр “Байлдааны ажиллагаа эхлүүлэх нь Украйны төгсгөлийн эхлэл гэсэн тодорхойлолт Украйны дотоодод ч байгааг би дэмжиж байгаа юм. Энэ бол хөл рүүгээ бус шууд чамархай руугаа буудсан хэрэг болно” гэжээ. 

Улмаар Киевийн зүгээс Донбассын эсрэг хэрэглэж байгаа хүч их болбол Орос нь Донбасс нутагт аж төрж байгаа иргэдээ аврах арга хэмжээ авахаас өөр аргагүй болно гэж нэмж хэлсэн байна. Тэрээр “Түймрийн цар хүрээ хэр байхаас бүх зүйл хамаарна. Хэрэв тэнд манай Ерөнхийлөгчийн хэлснээр Сребреница шиг болгох гээд байвал бид хамгаалахаар босохоос өөр аргагүй болно” гэжээ.

Югославын дайны үеэр 1995 онд салан тусгаарлагчдын Сребреницаг эзлэн авсан Югославын армийн цэргүүд лалын шашинт 7000-8000 босничуудыг хоморголон устгасан байдаг. 

Украйны арми өндөр албан тушаалтай зарим хүн нь Донбассыг буцаан нэгтгэх үеэр энгийн номхон олон хүн амиа алдах тухай урьдчилан анхааруулга, сүрдүүлэг хийж байгаа нь ийм яриа гарахад хүргэсэн бололтой.