Бүртгэлгүй зэвсэг тушаах аяны үеэр Т-34 танк тушаажээ

Чехид болж байгаа бүртгэлгүй зэвсгийг сайн дураар тушаан эрүүгийн хэргээс чөлөөлөгдөх аяны үеэр нутгийн иргэн ягаан өнгөөр будсан Т-34 танк, танк сөнөөгч явагч их буу СУ-100 тушаасан тухай Чехийн цагдаагийн газрын төлөөлөгч Ива Кормошова мэдэгдэл хийжээ.

Түүний ярьж байгаагаар бүртгэлгүй зэвсэг тушаах аяны үеэр цагдаагийн газар ирсэн хүн хашаанд нь Зөвлөлтийн үеийн Т-34/85 танк, өөрөө явагч их буу SD-100 байгааг тухайгаа ярьжээ. Эдгээр байлдааны техникийг мань эр бүр 1990-ээд онд албан ёсоор худалдаж аваад хашаандаа хадгалж байжээ. Гэхдээ байлдааны техникийг буудлага хийх чадвартай эсэхийг шалгаагүй байсан тул аяныг далимдуулан тушаасан нь дээр гэж үзжээ. 

Цагдаагийн газрын зэвсгийн мэргэжилтнүүд яаралтай очиж танк, өөрөө явагч их бууг шалгаад буудах чадваргүй гэсэн дүгнэлт хийсэн байна. Гэхдээ цагдаа нар танк, их буу хоёрыг хурааж авалгүй эзнийх нь гаражид үлдээхээр шийджээ.

 Чехословак улс нь 1959-1956 онуудад Т-34-85 танкийг Зөвлөлтийн лицензээр үйлдвэрлэж байсан бол, СУ-100 өөрөө явагч их бууг SD-100 гэсэн нэрээр мөн л лицензээр үйлдвэрлэж байжээ.