Ерөнхий командлагчаа шүүмжилсэн 100 адмиралыг шалгаж байна

БНХАУ нь харилцан хүндлэх зарчим дээр тулгуурлан АНУ-тай ярилцахад бэлэн ч гэлээ шаардлага гарвал эрх ашгаа хамгаалан Америкийн эсэргүүцэхэд бэлэн гэсэн мэдэгдлийг Хятадын Гадаад хэргийн сайдын орлогч Ван И хийжээ.

Тэрээр ярихдаа “Хятадтай хамтран ажиллах, өрсөлдөх ба сөргөлдөх талаар Америкийн зүгээс удаа дараалан хийж байгаа мэдэгдлүүдийн тухайд  БНХАУ-ын баримталж байгаа байр суурь нь тууштай бөгөөд ил тод. Хэрэв харилцан ярилцан ярилцахыг хүсвэл Хятадын үүд хэдийд ч нээлттэй, гол нь энэ яриа нь эрх тэгш байдал, харилцан хүндлэн зарчим дээр тулгуурлах ёстой. Хятад нь шаардлагатай бол АНУ-тай өрсөлдөхөөс зайлсхийхгүй, гол нь өрсөлдөөн шударга, зах зээлийн хууль дээр үндэслэсэн байх ёстой бөгөөд эрх мэдлээ хэтрүүлэн ашиглаж, бусдын хөгжин цэцэглэх хууль ёсны эрхийг нь үгүйсгэхгйү байх ёстой” гэжээ.

Түүнчлэн “Хоёр улсын хооронд сөргөлдөөн үүсвэл Хятад тайван бөгөөд зоригтойгоор нүүр тулна. Хятад нь дотоод хэрэгт бүдүүлгээр хөндлөнгөөс оролцохыг эрс эсэргүүцэж байгаа бөгөөд үндэсний тусгаар тогтнолоо хамгаалахын тулд хариу цохилт өгөх эрхтэй” гэсэн байна.

БНХАУ ба АНУ-ын хооронд шинэ хүйтэн дайн гэж болохоор хурцадмал байдал үүсээд байгаа юм. АНУ нь Шинжаан-Уйгурын өөртөө засах орны лалын шашин уйгуруудын эрхийг хамгаалах гэсэн уриа дор Хятадын эсрэг хориг арга хэмжээ авч, холбоотон улс орнууд нь ч энэхүү хориг арга хэмжээнд нь нэгдээд байгаа юм. Тухайлбал, өрнөдийн дэлхий алдартай хувцас, гутлын үйлдвэрүүд Шинжаанд ургуулсан хөвөн, хөвөнгөө хийсэн эдийн үйлдвэрлэлдээ ашиглахаас татгалзсан. Үүнээс болж Хятадын хөвөнгийн экспорт маш их алдагдал хүлээж байгаа аж. Шинжааны хөвөнгийн тариалан нь дэлхийн хэрэгцээний 20 хувийг эзэлдэг нүсэр аж ахуй юм.