“Facebook”-ээс Трампын яриа, ярилцлагатай бүх контентуудыг устгана

“Facebook” сүлжээ нь АНУ-ын экс Ерөнхийлөгч Трампынаккаунтуудыг блок хийсэн учраас цаашдаа түүний яриа, ярилцлагатай бүх контентуудыг устгана гэж мэдэгдсэн байна. Энэ тухай мэдэгдлийг нь Трампын бэр Лара Трамп“Instagram” дээрээ нийтэлжээ. Тус мэдэгдэлд “ДональдТрампын аккаунтуудыг бүгдийг блок хийсэн холбогдуулан цаашид Дональд Трамдын яриа бүхий бүх контентуудыг устгаж, тэдгээрийг байршуулсан аккаунтуудад нэмэлт хязгаарлалт хийнэ” гэж дурдсан байжээ. Түүнчлэн тус захидалд Лара Трампын “Facebook” хаягаар байршуулсан Дональд Трампын ярилцлага бүхий видео бичлэгийг устгасан болохоо бас заасан байжээ.

 Лара Трамп нь “Facebook”-ийн энэ мэдэгдлийг “Оруэллын“1984” зохиол бодит болоход хийсэн бас нэг алхам” гэж тайлбарлажээ.

 “Facebook”, “Instagram”, “Twitter” нь Трампыг бүх аккаунтуудыг нэгдүгээр сард хаасан. Трамп нь дэмжигчдээ турхирч Америкийн конгрессын байр руу дайралт хийлгэсэн гэж үзсэн учраас  ийнхүү олон нийтийн бүх том сүлжээнээс хөөжээ.

 Үүний хариуд Трамп нь өөрийн гэсэн интернэт платфорбайгуулах гэж байгаа тухай түүний зөвлөх нь гуравдугаар сарын сүүлээр мэдээлж байсан юм. Удалгүй ДональдТрамп нь ухаалаг утасны аппликейшн боловсруулагч нартай хэлэлцээ хийж байгаа тухай “Axios” мэдээлсэн.