15 сая тун вакцин буруу найруулан устгалд оруулжээ

“Johnson & Johnson” корпорацийн Америкийн Балтимордах салбар үйлдвэрийн ажилтнууд корона вирусийн эсрэг вакцин үйлдвэрлэх явцдаа орцуудыг алдаатай хольсон тул 15 сая тун вакциныг устгалд оруулсан байна. 

Энэ хэргээс болж Америкийн Хүнсний бүтээгдэхүүн ба эм бэлдмэлийн чанарын удирдах газар “FDA” нь алдаа гаргасан үйлдвэрт шалгалт явуулж байгаа тухай “The New York Times” мэдээлсэн байна. Үүний өмнө Америкийн эмнэлгүүдэд хүргэгдсэн “Johnson & Johnson” –ын вакцин нь Нидерлан дах үйлдвэрт хийгдсэн тул аюулгүй гэдгийг онцолжээ. Америкийн эмнэлгүүдэд нийлүүлэх вакцины шинэ багцыг Балтиморыг үйлдвэрт хийх байсан ч ийнхүү ажилтнуудын буруу ажиллагаанаас болж, хэсэг хугацаанд хойшлохоос өөр аргагүй болжээ.

15 сая тун вакциныг буруу найруулсан үйлдвэр нь “Emergent BioSolutions Inc”  болохыг “Bloomberg” агентлаг мэдээлжээ. Тус үйлдвэр нь “Johnson & Johnson” –ы вакцин үйлдвэрлэх зөвшөөрлийг “FDA”-аас аваагүй байсан аж. ДЭМБ нь “Johnson & Johnson” корпорацын Америк дах салбар “Janssen-Cilag”-ийн бүтээсэн коронавирусийн эсрэг вакциныг ашиглахыг зөвшөөрсөн юм.