Мозамбикт шашны явцуу үзэлтнүүд хот руу дайрч олон хүний аминд хүрчээ

Мозамбикт үйл ажиллагаа явуулдаг шашны хэт явцуу үзэлт зэвсэгт бүлэглэлийнхэн Пальма хот руу гэнэтийн дайралт хийж 57 хүн амиа алдсан тухай “РИА” агентлаг мэдээлж байна. Мозамбикт ажилладаг Эмэгтэйчүүдийн эрхийг хамгаалах ассоциацийн Жулия Вачаве нь “РИА” агентлагт мэдээлжээ. Тэрээр ярихдаа “Гадаадын долоон иргэх алагдсан. Миний л тоолсноор 57 хүн амиа алдсан, гэхдээ алагдсан хүний тоо 60 хүрч магадгүй” гэжээ. Лалын шашны хэнээтнүүд хот руу гэнэдүүлэн дайрахад хотын оршин суугчдын зарим нь ойролцоох ой руу зугтаж амьд гарсан бол хотод байсан гадаадын иргэд болон уурхайд ажилладаг хүмүүс “Amarula” зочид буудалд бүгж мэнд үлджээ. Цэргийнхэн хотыг шашны хэнээтнүүдээс чөлөөлөх ажиллагаа явуулах гэж байгаагаа мэдээлсэн байна.