ДЭМБ: Бүгд хамрагдсан тохиолдолд л вакцинжуулалт үр дүнтэй

ДЭМБ-ын Ерөнхий захирал Тедрос Аданом Гебрейесус нь корона вирусийн эсрэг вакцинжуулалт бодит үр дүнтэй байх нөхцөлийг нэрлэжээ. Тэрээр вакцин тарих арга хэмжээ нь газар сайгүй зэрэг явагдсан нөхцөлд л үр дүнтэй байна гэжээ.

 Тодруулбал, вакцинжуулалт дэлхийн бүх улс оронд зэрэгцэн явагдах нь дэлхий дахины ашиг сонирхол нийцэх бөгөөд корона вирусийн эсрэг бүх нийтийн тэмцэлд бодитоор тусална гэсэн байна.Хэрэв аль нэг улсад вакцинжуулалт явагдахгүй хойшилбол тухайн газар нь вирусийн шинэ хувилбар үүсэж үржих талбар болж хувирна гэдгийг анхааруулсан байна. Тэрээр “Ийм нөхцөлд бидний хэрэглэсэн вакцин ямар ч үр дүнгүй болж хувирна” гэжээ.

 Түүнчлэн хөгжиж буй улс орнуудад вакцинжуулалт явагдахгүй байна гэдэг нь зөвхөн тэдэнд хамаатай юм биш өндөр орлоготой улс орнуудад ч хамаатай гэдгийг ДЭМБ-ын дарга онцолжээ. Иймд тэдгээр баян орнууд нь коронавирусээс сэргийлэхийн тулд бусад улс орнуудад ч вакцинжуулалт хийх хэрэгтэй гэдгийг ард иргэддээ ухуулан тайлбарлаж байхыг уриалсан байна.

 ДЭМБ-ын захирлын дэлхий хэмжээний энэхүү уриалгыг нэг улс орны хэмжээнд буулгавал улс даяараа бүгд вакцинжуулалтад хамрагдах нь аймшигт өвчний ялж, хэвийн амьдралдаа эргэн орох гол нөхцөл байх болно. “Бусад нь вакцин хийлгэчихвэл би хийлгэх ша