Оросын нөлөөг тогтоон барихад АНУ 34 сая доллароор тусална

Н.Мижидмаа

2021/02/18

АНУ-ын Олон улсын хөгжлийн агентлаг “USAID” нь Молдав улсад Оросын сөрөг нөлөөг давж гарахад нь туслахын тулд бизнесийнх нь инновацийн салбарын өрсөлдөх чадварыг нь нэмэгдүүлэхэд 34 сая долларын гэж байгаа тухай “RT” мэдээлсэн байна.

Молдавын инновацийн салбаруудыг хөгжүүлэн, өрнөдийн адил салбаруудтай нягт холбоотой болгоход чиглэсэн энэ төслийг 5 жилийн хугацаатай хэрэгжүүлэх юм байна. Молдав улсыг бүс нутагтаа хамгийн ядуу байгаа учраас Бээжин, Москвагийн зүгээс харгис нөхцөлтэй зээл олгох нөхцөл бүрдэж байгааг өөрчлөхийн тулд энэхүү төслийг хэрэгжүүлэх аж.

Молдав улсад 2020 оны сүүлээр болсон Ерөнхийлөгчийн сонгуулиар Харвард төгссөн, өрнөдийн талыг баримтлагч Майя Санду ялж, тус улсын анхны эмэгтэй Ерөнхийлөгч болсон юм. Санду нь Европын холбоо, АНУ-тай илүү нягт хамтран ажиллахын төлөө гэдгээ албан ёсоор мэдэгдэж, өрнөдийн дэмжлэгийг авч эхлээд байгаа аж. Өмнөх Ерөнхийлөгч Додон нь илэрхий Оросыг талыг баримтлагч байсан юм.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ