А.Амбасэлмаа: ХӨСҮТ-д коронавирусээр эмчлүүлж байсан нэг иргэн нас барсан

ХӨСҮТ-ийн албаны дарга А.Амбасэлмаа: Нийт 40217 хүнд шинжилгээ хийхэд 49 хүнээс вирус илэрлээ. Ойрын хавьтлуудын давтан шинжилгээнээс, Нэг өрх шинжилгээнээс 10 тохиолдол илэрсэн. Нийтдээ энэ шинжилгээнээс 37 хүнээс коронавирус илрээд байна. Нийт улсын хэмжээнд 2493 тохиолдол болоод байна.ХӨСҮТ-д коронавирусээр эмчлүүлж, нэн хүнд байсан нэг иргэн өчигдөр нас барсан. Биеийн байдал нь маш хүнд байсан бөгөөд 2021 оны хоёрдугаар сарын 17-ны 12 цаг 56 минутад нас барсан. Хавсарсан хавдартай, уураг дутагдал, тураал, олон эрхтний үйл ажиллагааны алдагдлаар нас барсан. Онош нь ходоод, бүдүүн гэдэсний хожуу үеийн хавдар, элэг тунгалагийн булчирхайн үсэрхийлсэн хавдар, давсаг хэвлий рүү нэвчсэн. Коронавирусын халдвар нь  хүндэвтэр байсан.