Б.Бямбадорж: Өргөө амаржих газрын захирлыг ажлаас нь чөлөөлж, НЭМГ-аас менежмэнтийн баг гарч ажиллана

БГД-ийн эмнэлэгт жирэмсэн үеийн хяналтад байхад 39 настай эмэгтэйг эхогоор харж, ураг ташуу байрлалтай учир кесар хагалгаагаар төрөх шаардлагатайг зөвлөжээ. Хагалгаанд орж төрөх учир төрөхийн өмнө 4-5 хоногийн өмнө буюу хоёрдугаар сарын 09-нд Өргөө амаржих газарт 39 настай эмэгтэй хэвтжээ. Өргөө амаржих газраас эмэгтэйг 3-4 удаа төрсөн учир өөрөөрөө төрөх боломжтойг хэлж, өөрөөр нь төрүүлэхээр болсон. Төрөх эмэгтэйн сүүлийн төрөх хугацаа хоёрдугаар сарын 12-14 байсан. Гэтэл эмэгтэй 9-нөөс эхлэн дуншилт өгч эхэлсэн. Харин эмнэлгээс ажлын өдрийг буюу өнөөдрийг хүлээж өглөө 09:30-д ургийн зүрхний цохилт хэвийн байсан ч ургийг эмч нар нь хэвлий дотор нь эргүүлсний дараахан ураг амьгүй болсон талаар ар гэрийнхэн нь ярьж байна. Эмэгтэйг кесар хагалгаагаар төрүүлэх гэж Өргөө амаржих газарт хэвтүүлж байхад эмч нар өөрөөр нь төрүүлэхээр зүтгэсэн учраас ураг амьгүй болсон талаар эмэгтэйн ар гэрийнхэн гомдолтой байгаагаа хэллээ.

Бид энэ асуудлаар Нийслэлийн эрүүл мэндийн  газрын дарга Б.Бямбадоржоос тодрууллаа.