Коронавирус үүссэн хувилбарыг танилцуулжээ

ДЭМБ-аас Хятадын Ухань хотод томилогдон ажилласан олон улсын мэргэжилтнүүдийн бүлгийн гишүүн ПитерДасзак нь шинэ корона вирус үүссэн байх хамгийн магадлалтай хувилбарыг танилцуулжээ.

 Түүний ярьж байгаагаар шинэ корона вирус нь анхандаа Хятадын өмнөд хэсэгт дараа нь сарьсан багваахайгаар зөөвөрлөгдөн Зүүн Өмнөд Азиар тархсан. Ийм хувилбар бодит байх магадлал хамгийн их тул илүү нарийн судлах хэрэгтэй гэж эрдэмтэд үзэж байгаа юм байна. Түүнчлэн сарьсан багваахай нь илбэнх үржүүлдэг байсан зэрлэг амьтадын фермүүдэд халдвараа тараасан. Улмаар тэнд ажилладаг хүмүүс эхлээд халдвар авч дараа нь зэрлэг амьтад зардаг Ухань хотын зах руу халдвар дамжин дэлхий даяар тархаж эхэлсэн гэж үзэж байгаа аж. 

 Гэхдээ Ухань хотод ирсэн ДЭМБ-ын мэргэжилтнүүд корона вирусээр өвдсөн анхны өвчтөнүүдийн хувийн мэдээллийг судалж чадаагүй гэдгийг онцолсон байна. Учир нь, Хятадын хуулиар ийм мэдээллийг ашиглахыг хориглодог гээд тэдэнд өгөөгүйг дээр корона вирусээр анх өвдөөд эдгэрсэн олон хүн ДЭМБ-ын мэргэжилтнүүдтэй уулзахаас татгалзсан гэжээ. 

 Хоёрдугаар сарын 14-ний байдлаар дэлхий дээр коронавирусийн халдвар авсан 109 сая тохиолдол бүртгэгдээд байна. Энэ хугацаанд 61 сая хүн эдгэрсэн бол 2,4 сая хүн өвчний улмаас нас баржээ.