Хятад улсын Гадаад яам Пакистан, Араб улсыг магтав

БНХАУ-ын хувьд Шинжаан-Уйгурын өөртөө засах орон, тэндхийн уугуул иргэдийн асуудал БНХАУ-ын хамгийн эмзэг цэг болж хувираад байна. Иймд Хятадын удирдлага нь энэ асуудлаар байр сууриа илэрхийлээгүй байгаа улс улс орнууд, олон улсын судлаачид, сэтгүүлчдийг өөртөө татах ажлыг эрчимтэй хийж байна.

 Хамгийн сүүлд гэхэд БНХАУ-ын ГХЯ-ы албан ёсны төлөөлөгч Ван Вэньбинь Шинжааны асуудлаар ээлжит мэдэгдэл хийхдээ энэ асуудлаар Бээжинг дэмжиж байгааг Пакистан, Арабын Нэгдсэн Эмирт улсуудыг магтжээ.

 Тухайлбал, Пакистаны сенатын гадаад хэрэг хариуцсан хорооны тэргүүн Мушахид Хуссейн Сайед нь Шинжааныэдийн засаг өсөж, хүн амынх нь тоо нэмэгдэж байгаа нь Өрнөдийн улстөрчдийн тарааж байгаа цуурхал ямар ч ул үндэсгүй болохыг харуулж байна гэж мэдэгдээд магтуулсан байна. 

 Арабын Нэгдсэн Эмирт улсуудаас Бээжин суугаа Элчин сайд аль-Дахери нь ярилцлага өгөхдөө Шинжааны өөртөө засах орон нь эдийн засгийн өсөлт ба ядууралтай хийх тэмцэлд өндөр амжилт гаргасан гээд нутаг дэх алан хядлагын эсрэг тэмцэл амжилттай болж байгааг онцлоод магтуулсан байна. 

 БНХАУ-ын ГХЯ-ын төлөөлөгч нь Шинжаантай холбоотой асуудлаар Пакистан ба АНЭ улсуудын баримталж байгаа шударга бөгөөд объектив байр суурийг Хятадын удирдлага өндрөөр үнэлж байна гэжээ. Түүнчлэн Шинжаанд бүх зүйл сайхан тухай ярьсан энэ хоёр хүн нь тус нутагт зочилж, байдлыг нүдээр харсан гэж мэдэгдсэн байна. Мөн Шинжааны хөгжил цэцэглэл, уйгур иргэдийн аз жаргалтай амьдралын талаар бодит төсөөлөл олж авахын тулд тийшээ айлчлах хүсэлтэй хүн бүрийг Хятадын удирдлага баярлан угтана гэж мэдэгджээ.