Мьянмарын цэргийн командлагч 23 мянган хэрэгтэнд өршөөл үзүүлжээ

Н.Мижидмаа

2021/02/12

Мьянмарт төрийн эргэлт хийсэн цэргийнхэн 23 мянган хэрэгтэнд өршөөл үзүүлсэн тухай Зэвсэгт хүчний ерөнхий командлагч Мин Аун Хлаин мэдэгдсэнийг “Reuters” агентлаг уламжилсан байна.

Хэрэгтнүүдэд өршөөл үзүүлэх тухай зарлигт “улс орон энх тайван, хөгжил, сахилгын батын тусламжтайгаар шинэ ардчилсан улс бүтээн байгуулж байгаа энэ цагт нийгмийн шаардлагыг ханган хоригдлуудыг нэр төртэй иргэд болгохын тулд” ийнхүү хугацаанаас нь өмнө суллаж байгаа гэж дурдсан байжээ. Өршөөлд 23 мянга 314 хоригдол хамрагдахаас 55 нь гадаадын иргэд юм байна.

Мьянмарын цэргийнхэн хоёрдугаар сарын нэгэнт төрийн эргэлт хийж улс орны бүх эрх мэдлийг гартаа авсан бөгөөд улс даяар нэг жилийн хугацаатай онц байдал зарлаж, Ерөнхийлөгч Вин Мьин, Төрийн зөвлөх Аун Сан Су Чжи зэрэг 30 гаруй хүнийг баривчилсан байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ