Жо байден цар тахлын улмаас ажлаа алдсан хүнтэй утсаар ярив

АНУ-ын Ерөнхийлөгч Жо Байден нь цар тахлын улмаас ажлаа алдсан Калифорни мужийн Мишель гэгч эмэгтэйтэй утсаар ярьж, эдийн засгийг сэргээхээр авах гэж байгаа арга хэмжээгээ тайлбарлаж өгсөн байна. Энэ тухай видео бичлэгийг Ерөнхийлөгч Байдены “Twitter”-т байршуулжээ. Мишель нь өөрийн хүнд байдлын талаар Ерөнхийлөгчид захидал бичсэн байжээ.

Байден нь Мишельтэй ярилцах үеэр жижиг бизнесийг дахин нээгдэхэд нь туслах яаралтай тусламж үзүүлэх төлөвлөгөө батлах гэж байгаагаа тайлбарлаж ярьсан байна. Мөн ойрын 100 хоногийн дотор 100 сая хүнийнвакцинжуулах гэж байгаагаа ярьжээ.

Цагаан ордны хэвлэлийн албанаас мэдээлж байгаагаар Байден нь цаашдаа энэ мэтээр иргэдтэй тогтмол холбогдон ярьж, авч хэрэгжүүлж байгаа алхмуудынхаа талаар тайлбарлаж байх аж.

Байдены эдийн засгийн төлөвлөгөөг хэрэгжүүлэхэд нийт 1,9 их наяд доллар зарцуулахаас 400 саяыг нь цар тахалтай тэмцэхэд зориулна. Ойролцоогоор 1 их наяд долларыг хүн амд тусламж үзүүлэхэд зориулаад үлдсэнийг нь эдийн засгийг сэргээхэд чиглүүлэх юм байна.