БНХАУ-ын удирдлага АНУ-д анхааруулга өгчээ

АНУ-ын шинэ Ерөнхийлөгч гадаад бодлогын үндсэн чиглэлээ дэлхий нийтэд зарласны дараа энэ бодлогынх нь гол бай болсон улсаас байр сууриа тодорхойлсон байна. Хятадын Коммунист намын Улс төрийн товчооны гишүүн, Улс төрийн товчооны гадаад хэрэг хариуцсан комиссын тамгын газрын дарга Янз Зечи АНУ-ын Төрийн нарийн бичгийн дарга Энтони Блинкентэй утсаар ярьжээ.

 Ийнхүү утсаар ярихдаа Цзечи нь “Хонконг, Шинжаан ба Төвөдтэй холбоотой бүх асуудал нь БНХАУ-ын дотоод хэрэгт хамаарах тул дэлхий дээр хэн ч эдгээр асуудалд хөндлөнгөөс оролцох эрхгүй” гэж мэдэгдсэн тухай БНХАУ-ын ГХЯ-ны сайт мэдэгдсэн байна. Түүнчлэн Хятадын гүтгэх гэж оролдлогуудыг Бээжин тэвчээд суухгүй, ашиг сонирхлоо хамгаалах болно гэсэн төдийгүй Тайвань арлыг БНХАУ-ын салшгүй хэсэг гэдгийг Вашингтон мартаж болохгүй гэсэн байна. 

 Мөн БНХАУ-ын Коммунист намын Төв хорооны гишүүн нь “Бид АНУ-ыг сүүлийн үед гаргасан алдаагаа засахыг шаардах болно” гэжээ.