Сайн дураараа шинжилгээний цэгт шинжилгээ өгсөн иргэдээс коронавирус илэрлээ

ЭМЯ-наас мэдээлэл хийлээ.  
ХӨСҮТ-ийн тандалт судалгааны дарга А.Амбасэлмаа: Нийт 14978 хүнд шинжилгээ хийхэд 34 хүнээс коронавирус илэрлээ. Ойрын хавьтлын хүмүүсээс, шинжилгээний цэгт сайн дураараа шинжилгээ өгсөн хүмүүсээс вирус илэрсэн. УБ-т нийт 1187 тохиолдол боллоо. Улсын хэмжээнд 2023 батлагдсан тохиолдол болж нийт 547 иргэн эмчлэгдэж байна.
Сүүлийн 24 цагт ойрын хавьтлаар 218 иргэн тусгаарлагдсан. Нийт 958 ойрын хавьтлын иргэн, хоёрдогч хавьтлын 4742 болсон байна. Батлагдсан тохиолдлын 40 хувь нь гэр бүлээсээ, 60 хувь нь гадны үйл ажиллагаатай холбоотой халдварт өртөж байна. Хүмүүстэй уулзахдаа масктайгаа харьцаж байхыг зөвлөж байна. Нийслэлийн хэмжээнд 11 голомт идэвхижил өндөр байна.