ХНХЯ-наас ажлын хэсэг гарч Батсүмбэрийн асрамжийн газарт ажиллахаар явжээ

Хөдөлмөр нийгмийн хамгааллын яамнаас Батсүмбэрийн ахмад настны асрамжийн газар луу ажлын хэсэг гарчээ.

Тодруулбал, Энэ оны нэгдүгээр сард Төв аймгийн Батсүмбэр сумын нутагт байрлах ахмад настны асрамжийн газарт асрамжид байдаг 62 настай иргэн гадаа нас барсан байдалтайгаар олджээ. Тодруулбал талийгаачийг асрамжийн газартаа байхгүйг асрамжийн газрынхан нь мэдээгүй байна. Ингээд талийгаачийг  маргааш нь хайж, асрамжийн газрын хашааны гадаах хогийн савны дэргэд "осгож"  нас барсан байдалтайгаар олсон талаар тухайн газар ажилладаг иргэн хэлж байгаа юм. 

Бид энэ асуудлаар Цагдаагийн байгууллагаас тодруулахад нэгдүгээр сарын 04-нд Батсүмбэрийн асрамжийн газарт 62 настай асрамжид байдаг иргэн амиа алдсан нь үнэн гэх мэдээллийг өгсөн юм.Тэгвэл манай мэдээллийн мөрөөр Хөдөлмөр нийгмийн хамгааллын яамнаас ажлын хэсэг гарч Батсүмбэр сумын ахмад настны асрамжийн газрыг зорихоор хөдөлжээ.