АНУ-ын Конгрессын гишүүн вакцин хийлгэсний дараа коронавирусын халдвар авчээ

АНУ-ын Конгрессын Төлөөлөгчийн танхимын гишүүнээр Массачусетс мужаас сонгогдсон Ардчилсан намын Стивен Линч нь “Pfizer/BioNTech” вакцин хийлгэснээс хойш корона вирусийн халдвар аван тухай түүний туслахууд мэдээлснийг “CNN” уламжилжээ.

 Линч нь шинж тэмдэг илрэхгүйгээр өвдөж байгаа тул хөл хорионд орж, танхимын хуралд зайнаас оролцох юм байна. Линчийн туслах нь корона вирусийн халдвар авсны дараа шинжилгээ өгтөл, вакцинжуулагдсан атлаа коронавирусийн халдвар авсан гэж гарсан юм байна. Конгрессын гишүүн нь нэгдүгээр сарын 20-оос өмнө вакцины хоёр дах тунг ном журмын дагуу хийлгээд байсан аж. 

 Энэ тохиолдлын өмнөхөн Литва улсад “Pfizer/BioNTech”вакцин хийлгэсэн 79 эмч корона вирусийн халдвар авсан тохиолдол гарч олны анхаарлыг татсан. Гэвч Литвын халдвар судлалынхан эмч нарыг вакцин хийлгэхээсээ өмнө халдвар аван байсан гэж тайлбарлажээ. 

Одоогоор  корона вирусийн эсрэг “Pfizer/BioNTech” компанийн вакцины эхний шатны тарилгыг хийлгэсний дараа үүссэн ноцтой гаж нөлөөний 42 тохиолдол бүртгэгдээд байгаа гэж байна.