"Жи Би төв"-д байрладаг ББСБ-ын голомтоос 24 иргэн халдварлажээ

ЭМЯ-наас ээлжит мэдээлэл хийлээ.
ХӨСҮТ-ийн Тандалт Судалгааны албаны дарга А.Амбасэлмаа: Нийт 11202 хүнд шинжилгээ хийхэд 37 хүнээс вирус илэрлээ. УБ-т нийт 945 тохиолдол боллоо. Нэгдүгээр сарын 25-наас хойш үүссэн 13 том голомт идэвхитэй үргэлжилж хүмүүс өвчилсөөр байна. ТҮК-ээс 20, “Жи Би тауэр”-т байрладаг ББСБ-ын халдвар маш идэвхтэй үргэлжилж, эндээс нийт 24 тохиолдол бүртгэгдсэн.Икс апартмэнт 11, Гутлын цехээс 12, БЗД-ийн 26, БГД-ийн 19-р хороо, микс пизза-15, хүүхдийн асрамжийн газар -3, гэх мэт голомтууд байна. Дорноговь аймагт нэг хүнээс коронавирус илэрсэн. Тухайн иргэн дорноговь аймгийн пост дээр байсан учир УБ-руу зөөвөрлөсөн. Иргэн нь УБ-аас халдвар авсан учир УБ-ын халдварын тоонд орно. 20 гаруй хавьтагчдаас шинжилгээ авахад бүгд сөрөг гарсан. Өргөө амаржих газарт нэг нярайлсан эмэгтэйгээс коронавирус илэрсэн учир тэнд нь тусгаарласан. Төрсөн эх, нярайн бие сайн байгаа. Шинжилгээний цэгүүдэд сайн дураараа сорьц өгсөн хүмүүсээс вирус илэрсэн. Тиймээс иргэд маань шинжилгээнд хамрагдахыг уриалж байна.