Транспэрэнси интернэшнл: УОК шаардлага хангахгүй тусгаарлах байрууд сонгож авилга, ашиг сонирхлын зөрчил гаргасан байж болзошгүй

Өнөөдөр Транспэрэнси интернэшнлээс 2020 оны авилгын индексийг танилцууллаа.Тодруулбал манай улс 100 онооноос 35 оноо авч, дэлхийн улс орнуудаас 111 дүгээр байрт жагсаж байгаа юм. Өөрөөр хэлбэл авилга, ашиг сонирхлын зөрчил хамгийн их байдаг улс орнуудын тоонд зүй ёсоор багтсан хэвээр байна.

Транспэрэнси интернэшнл Монгол” гүйцэтгэх захирал О.Батбаяр: Эрүүл мэндийн салбарын худалдан авалт  нь ил тод бус авилгатай. Гадаад дотоодын тусламжид зарцуулж байгаа мөнгөний эх үүсвэр нь хяналтгүй байгааг дийлэнхи улс орнуудын жишээ харуулж байна. Ийм учраас коронавирустэй үр дүнэй тэмцэж чадахгүй байна. Манай улсын хувьд ийм нөхцөл байдал үүсчихээд байна. Өөрөөр хэлбэл тусламжийн хөрөнгийг үр дүнтэй хяналттай зарцуулж байгаа эсэх эргэлзээтэй байна. Эрүүл мэндийн салбарт авилга маш өндөр түвшинд байна. 2020 оны долдугаар сард 2000 гаруй иргэнийг хамруулсан авилгын барометр судалгааг хийсэн байдаг. Энэ судалгаанд  иргэд эрүүл мэнд, боловсролын салбарыг хамгийн их авилгатай салбараар тодорхойлсон байдаг. Авилга өгч, танил талаа ашиглаж ажлаа бүтээдэг байгаа юм.  Мөн МУ коронавирусыг тусгаарлах байруудаас алдсан  дүр зураг байгаа. Тусгаарлах байрыг сонгосон ОБЕГ, УОК-ынхон авилга ашиг сонирхлын зөрчил гаргасан байх магадлалтай. Коронавирусын үед авилга ашиг сонирхлын зөрчил улс орнуудад гүнзгийрч байгааг онцолсон байдаг. Үүнтэй адил коронавирусыг дотроо алдахад МУ-ын УОК нь шаардлага хангаагүй, халдвар хамгааллын дэглэм зөрчигдсөн тусгаарлах байруудыг сонгож улмаар үүнээс шалтгаалж дотооддоо халдвар алдах нөхцөл үүссэн байдал ажиглагдаж байгаа. Энэ бол манай улс оронд авилга бодитой оршин тогтнож байгаа. Нөгөө талаасаа цар тахалтай үр дүнтэй тэмцэхэд авилга хэрхэн саад болж байгаагийн тод жишээ гэж харж байна.