50 сая төгрөгийн орон сууцны дэмжлэгээр шагналаа

Зариг.мн сайтын хувьд 2020 он амжилт бүтээлээр дүүрэн жил болж өнгөрч байна. Ажилдаа, идэвхи зүтгэл гарган ажилласан Зариг.мн сайтын хамт олонд Монголын залуучуудын холбоо, Сэтгүүлчдийн нэгдсэн эвлэл, Шудрага өрсөлдөөн хэрэглэгчийн төлөө газруудаас шагнал гардуулсан юм.

ШӨХТГ-аас хэвлэл мэдээллийн салбараас ЗАРИГ.МН сайтыг ШӨХТГ-ын “ХЭРЭГЛЭГЧИЙН ТӨЛӨӨ” хүндэт тэмдгээр шагналаа.

Харин Зариг.мн сайтын зүгээс ажилдаа идэвхитэй, тууштай, хүч хөдөлмөрөө дайчлан ажилладаг Зураглаач Э.Сугарсүрэнг гал голомтоо бадрааж байгаад нь баяр хүргэн 50 сая төгрөгийн орон сууцны дэмжлэгээр шагналаа. 

Монголын залуучуудын холбооноос Зариг.мн сайтын сэтгүүлч О.Шүрэнцэцэгт "Тэргүүний залуу сэтгүүлч" цол тэмдэгээр, Зариг.мн сайтын маркетингийн менежер Б.Уянга "Тэргүүний залуу алтан медаль" цол тэмдэгээр  шагнагдсан бол Монголын сэтгүүлчдийн нэгдсэн эвлэлээс Зариг.мн сайтын сэтгүүлч Н.Мижидмааг "Ган-Үзэгтэн" тэмдэгээр тус тус шагналаа.