Нэг гэр бүлийн таван иргэн угаартаж, гурвынх нь биеийн байдал хүндэвтэр байна

Нэг гэр бүлийн таван иргэн угаартаж эмнэлэгт хүргэгдсэн талаар Нийслэлийн Эрүүл мэндийн газрын Гамшиг онцгой байдлын үеийн болон яаралтай түргэн тусламжийн асуудал хариуцсан мэргэжилтэн Тэгшсүрэнгээс тодрууллаа.

Чингэлтэй дүүргийн 19-р хороо Шарга Морьтод өнөөдөр /2020.12.25/ нэг гэр бүлийн таван иргэн угаартаж гурвынх нь биеийн байдал хүндэвтэр байна. 

Тодруулбал өнөөдөр өглөө 08  цаг 58 минутад хүн угаартлаа гэх дуудлагын дагуу ОБ-ын байгууллагаас 09 цаг 15 минутад очиход таван иргэн гэртээ угаартсан байсан. 56 настай нэг иргэн УНТЭ-д хүндэвтэр байдалтай хүргэгдсэн бол таван настай хүүхэд ээжийнхээ хамт биеийн байдал нь хүндэвтэр ЭХЭМҮТ-д хүргэгдсэн. Харин хоёр иргэн биеийн байдал нь хөнгөн учир гэрт нь буцаасан гэв.

Одоогоор юунаас болж угаартсан шалтгаан нөхцлийг цагдаагийн байгууллагаас шалгаж байгаа юм байна.