Зөрчил: Нэг удаагийн маскыг пааран дээр хатааж дахин хэрэглэж байсан

Цар тахлын үед коронавирус илрүүлэх шинжилгээ авч байгаа 20 цэгт мэргэжлийн хяналтын байгууллагаас шалгалт хийжээ. Тус шалгалтаар илэрсэн зөрчлүүдээс дурьдвал:

  1. Шинжилгээний цэгт ажиллаж байгаа эмч нар хамар залгиураас сорьц авах техник эзэмшүүлэх сургалтад хамрагдаагүй, 
2. Зарим цэгт чих хамар хоолойн нарийн мэргэжлээр сурч байгаа резидент эмч нар сорьц авч байгаа ч ур чадвар, туршлага дутмаг улмаас шинжилгээг буруу /бамбар цус болсон/ авсан  
3. Эмч мэргэжилтэн нарт өдөр бүр хөдөлмөрийн аюулгүй ажиллагааны зааварчилгаа өгч батлуулаагүй

3. Нэг удаагийн амны хаалтыг халдваргүйжүүлж пааран дээр тавьж хатаан давтан хэрэглэсэн

4. Халдвартай хог хаягдал их хэмжээгээр бөөгнөрсөн

5. Хамар залгиураас авсан сорьцыг зориулалтын тавиурт байршуулаагүйн улмаас сорьц холилдож, нэр хаяг солигдсон

6. Шинжилгээнд хамрагдаж буй иргэдийн биеийн халууныг үзээгүй, гарыг халдваргүйжүүлээгүй

7. Хамгаалах хувцас хэрэглэлийн нөөц хангалтгүйн улмаас улаан бүсэд ажиллаж байгаа хөтөч, үйлчлэгч нар өдрийн турш нэг хувцастай ажилласан 

8. Шинжилгээ хийх цагаас өмнө хувцас хэрэглэл хамгаалах хэрэгсэл  бэлэн байгаагүйгээс шалтгаалж  цагаасаа хоцорч эхэлсэн, бүртгэлийн программ удаан байснаас хүний бөөгнөрөл үүсгэсэн гэх мэтчилэн зөрчлүүд илэрсэн байна. 

МХЕГ-аас ЭМЯ-нд хүргүүлсэн албан бичигт илэрсэн зөрчлүүдийг дараах байдлаар бичсэн бөгөөд үөрчлийг арилгуулах  албан бичгийг хүргүүлжээ.