Д.Нарангэрэл: Хүн хоорондын зайг залуучууд хамгийн муу барьж байна

Эрүүл мэндийн яамнаас мэдээлэл хийж байна. ХӨСҮТ-ийн тандалт судалгааны албаны дарга А.Амбасэлмаа: Нийт 21470 хүнд шинжилгээ хийхэд таван хүнээс вирус илэрлээ. Бүгд Улаанбаатар хотоос бүртгэгдлээ. ХӨСҮТ-ийн нэг сувилагчаас, ойрын хавьтлын хүмүүсээс илэрсэн. Нийт батлагдсан тохиолдол 898 боллоо. Улаанбаатарт 132 тохиолдол голомтлон тархаад байна. Эмчлэгдэж байгаа 505 хүн байгаа үүнээс биеийн байдал маш хүнд нэг хүн, хүнд  6, хүндэвтэр 51, хөнгөн 414 хүн, Нутаг буцсан 9 хүн байна. 

ЭМЯ-ны олон нийттэй харилцах, Тандалт шуурхай удирдлагын хэлтсийн дарга Д.Нарангэрэл:
Хүн хоорондын зайг хамгийн муу барьж байгаа хүмүүс бол дэлхий дахинд залуучууд байгаа юм. Залуус шинж тэмдэг багатай хөнгөн балархай хэлбэрээр өвдөж байгаа ч, өөрийнхөө хамгийн хайртай ээж аав эмээ өвөө жирэмсэн эмэгтэйчүүдэд халдварыг тарааж хүндрэл учруулж байна. Тиймээс хүнтэй алсын зайнаас харьцахыг зөвлөж байна