А.Амбасэлмаа: Гурван хүн эдгэрч дараагийн ажиглалт руу шилжлээ

 ХӨСҮТ-ийн Тандалт судалгааны албаны дарга А.Амбасэлмаа: Өчигдөр улсын хэмжээнд нийт 20,240 хүнд шинжилгээ хийлээ. Үүний 800 гаруй хүнийх нь хавьтлын хяналтыг тогтоох шинжилгээ юм. Энэ шинжилгээнээс 11 хүнд коронавирус илэрсэн бол бусад шинжилгээнд коронавирус илрээгүй.Ингээд, Монгол Улсад бүртгэгдсэн халдварын нийт тохиолдол 842 болж байна. Үүнээс 368 хүн эдгэрсэн бол өнөөдрийн байдлаар 465 батлагдсан тохиолдол эмчлэгдэж байна.

Халдвар авсан гурван хүн эдгэрч, дараагийн шатны ажиглалт руу шилжлээ. Ингээд өнөөдрийн байдлаар нийт бүртгэгдсэн тохиолдлоос 368 хүн эдгэрээд байна. Эдгэрсэн хүмүүсээс ажиглалтад 35, гэрийн хяналтад 11 хүн байгаа бол 322 хүний ажиглалт, тандалтын хугацаа дууссан.