Ж.Амгалан: Хэнэггүй байдлаар бусдад өвчин халдаавал 3 хүртэл жилээр хорих ялтай

Эрүүл мэндийн яамнаас мэдээлэл хийх үеэр ЦЕГ-ын дэд дарга, хурандаа  Ж.Амгалан хэлэхдээ  “халдвар авсан иргэд нэгдүгээр хавьтал болон дам хавьтлын хүн, явсан газраа тодорхой санадаггүй, хэлдэггүй, маршрутаа нуух зэрэг байдлаас болж эрсдэл үүсгэж байна. Энэ үйлдэл нь Монгол Улсын хуулиар зохицуулсан хуулийн заалттай.  Цаашдаа нэгдүгээр хавьтал болон дам хавьталд байсан иргэд хэнэггүй, санамсаргүйгээсээ болж халдварт өвчин бусдад халдаавал хуультай, ялтай гэдгийг анхаараарай. Энэ нь Эрүүгийн хуулийн 15.6.1 дүгээр заалтад байх бусдын амь нас, эрүүл мэндэд аюул учруулж болзошгүй халдварт өвчний үед эрх бүхий байгууллага албан тушаалтан тогтоосон хязгаарлалт, хорио цээр, бусад дүрэм журам, зааврыг зориуд санаатайгаар зөрчиж халдварт өвчин тараах нөхцөл бүрдүүлсэн бол торгохоос 3 жил хүртэл хугацаагаар хорих, бусдын амь насанд аюул учруулж болзошгүй халдварт өвчин бусдад халдаавал 1-5 жил хүртэл хугацаанд хорих ялаар шийтгэнэ” гэв.