А.Амбасэлмаа: Олон хүн хамруулсан тэмцээнээс болж төмөр зам дагасан халдварын гинжин хэлхээ тасрахгүй байна

А.Амбасэлмаа: 11 цагийн мэдээллээс хойш нийт 426 хүнд шинжилгээ хийхэд Сэлэнгэ аймгаас хоер тохиолдол бүртгэгдэж 557 батлагдсан тохиолдол болж байна. Ингэснээр сэлэнгэ аймагт 53 тохиолдол бүртгэгдлээ.Өнөөдөр ХӨСҮТ-ээс хоёр иргэн эдгэрч гарлаа. 213 иргэн өнөөдрийн байдлаар эмчлэгдэж байна. Улаанбаатарт 33, Сэлэнгэд 53 тохиолдол,Дарханд 16, Орхонд 13, Дорноговь 6, Говьсүмбэрт нэг тохиолдол илэрсэн.Улаанбаатар хотын 33 тохиолдлын ойрын 15 хүн өвчилж, үүнээс улбаатай караоке, баранд орсон хүмүүсээс өвчлөл илэрсэн. Тухайлбал караокед орсон зургаан хүн халдвар авч, гэр бүлийнхэндээ тарааж цаашлаад орон сууцандаа тарааж 18 тохиолдлын халдварын голомтийг үүсгэсэн байна.Төмөр зам дагуух голомт нь уралдаан тэмцээнд олноор оролцсноос болж халдварын гинжин хэлхээ тасрахгүй байна. Халдварын голомтыг үргэлжлүүлэн судалж байна. Говьсайхан караокед 11 сарын 09-нд үйлчлүүлсэн, Эмоцийн тоглолт үзсэн хүмүүс, хархан нүдэн тоглолт үзсэн хүмүүс эрүүл мэндийн байгууллагад хандахыг дахин хүсье.