Малаа усалж яваад харамсалтайгаар амиа алджээ

Өмнөговь аймагт малчин иргэн малаа услахаар яваад, нуурын усанд живж харамсалтайгаар амиа алдсан хэрэг гарлаа.

Тодруулбал, Өмнөговь аймгийн Цогтцэций сумын (Тавантолгой) Сийрст багийн “Босгын хар” гэдэг газар /сумын төвөөс зүүн урд зүгт 25 км-т/ “Хар толгой” нуурын усанд Цогт-Овоо сумын харьяат иргэн Т /35 настай, эрэгтэй/ мал усалж байгаад живжээ. Уг ослын тухай дуудлага 2020:11.17-ны өдрийн 12:10 цагт хүлээн авч тус аймгийн Онцгой байдлын газар, тус сум дахь Цагдаагийн хэсгийн алба хаагчид 25 км зам туулан 12:55 цагт очиж нуурын эргээс 5 метр, 5 метрийн гүнээс цогцсыг гаргаж Цагдаагийн байгууллагад шилжүүлэн өгчээ. Гол, нуур гүйцэт хөлдөөгүй энэ үед иргэд та бүхнийг сонор сэрэмжтэй байхыг анхааруулж байна.