Иргэдийн хувийн нууцыг чандлан хадгалах тул мэдээллээ үнэн зөв хэлэхийг хүслээ

ЦЕГ-ын дэд дарга, хурандаа Ж.Амгалан: Халдвар авсан иргэнтэй ойрын болон дам хавьтал болсон иргэд өөрийн хавьтлуудаа санаатай болон санамсаргүй байдлаар худал мэдээлсэн тохиолдолд хариуцлага тооцно. Буруу мэдээлэл нь гэмт хэргийн шинжтэй болоод явчихвал гэмт хэргийг санаатай нуун дарагдуулсан гэдэг асуудалд орно.  Тиймээс хавьтал болсон хүмүүс мэдээллээ нууж болохгүй. ХӨСҮТ дээр манай мэргэжлийн хүн байгаа. Иргэний хувийн нууцыг чандлан хадгална. Иймд санаа зовохгүйгээр эмчтэйгээ ярилцаж, мэдээллээ ичиж зоволгүй, үнэн зөв хэлэхийг хүсэж байна. Ойрын болон дам хавьтагчдыг тогтооход маш их зардал, хүн хүч гарч байгаа. Тиймээс иргэд минь ухамсартай хандаарай. Ер нь иргэд минь хоорондын зайгаа барьж, дэг сайн барьж явах хэрэгтэй.