Ажил үүргээ биелүүлж яваад золгүй байдал болсон хэмээн шүүгдэгч нар мэдүүлжээ

Өнгөрөгч 2019.09.23-ны орой Төв аймгийн Угтаалцайдам сумын нутаг дэвсгэрт сумын иргэн Г нь цагдаагийн буруутай үйлдлээс болж амь насаа алдсан байж болзошгүй хэргийн гэм буруугийн шүүх хурал өнөөдөр Төв аймгийн Сум дундын эрүүгийн хэргийн анхан шатны шүүхэд 10:00 цагт эхэлсэн. Шүүх хурал 60 гаруй хүний бүрэлдэхүүнтэй явагдаж байгаа бөгөөд хохирогчийн ар гэрийнхэн шүүхийн шийдвэр үнэн зөв гараасай гэж итгэл найдвар тавьж байгаагаа илэрхийлсэн. Талийгаач Г-н амь насыг хөнөөсөн байж болзошгүй цагдаа нар болох Ө, У нар нь "Золгүй явдал болсон, бид буруугүй, төр хариуцах учиртай" гэдэг тайлбарыг мэдүүлсэн. Шүүгдэгч нарын дөрвөн өмгөөлөгч хэргийг цагаатгах хүсэлтэй байгаагаа илэрхийлсэн тухай эх сурвалж мэдээллээ. Шүүгдэгч цагдаа У, Ө нар нь одоогийн байдлаар албан үүргээ биелүүлж яваа бөгөөд шүүгдэгч нарын өмгөөлөгчөөр дөрөв, хохирогчийн хууль ёсны төлөөлөгчөөр охин нь хоёр өмгөөлөгчтэйгээр шүүх хуралд оролцож байна. Шүүх хурлын шийдвэр удахгүй гарна.