С.Баяр, Ч.Давааням нарын давж заалдах шатны шүүх хуралдаан болно

Ерөнхий сайд асан С.Баяр, Ч.Давааням нарын эрүүгийн хэргийн шүүх хуралдаан нийслэлийн Эрүүгийн хэргийн давж заалдах шатны шүүхэд арваннэгдүгээр сарын 12-нд болохоор товлогджээ.

Эргэн сануулахад,Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүх Сангийн сайд асан С.Баярцогт нарын таван хүнд холбогдох хэргийг хэлэлцэн шийдвэрлэсэн билээ. Шүүхээс энэхүү хэргээс Ерөнхий сайд асан С.Баяр, "Петровис" компаний үүсгэн байгуулагч Ч.Давааням нарт холбогдох хэргийг тусгаарлан хэлэлцэхээр болсон байдаг. 

Долдугаар сарын 22-нд шүүгдэгч С.Баяр, Ч.Давааням нарыг Шүүх бүрэлдэхүүн хоёр хэрэгт буруутгаж Ерөнхий сайд асан С.Баярт таван жилийн хорих ял, Ч.Даваанямд хоёр жилийн ял оноосон. Мөн С.Баяраас 5.5 тэрбум төгрөг, Ч.Даваанямаас 5.7 төгрөгийн эд хөрөнгийг хураан авч, улсын орлого болохоор шийдвэрлэсэн билээ.