Г.Загдаа, Г.Амарсайхан нарын гэм буруутай эсэхийг шүүнэ

“Зөв амьдрах ухаан” ТББ-ын асрамжинд байхдаа тус ТББ-ын тэргүүн Г.Загдаад удаа дараа хүчирхийлүүлсэн гэх гомдлыг н.Халиун гаргасны дагуу Цагдаагийн байгууллагаас шалгаж эхэлсэн билээ. Г.Загдаа болон түүний эхнэр Г.Амарсайхан нарыг хууль сахиулагчийн эсэргүүцсэн, бусдын биед хөнгөн гэмтэл учруулсан, аүчиндэх зэрэг гэмт хэрэгт холбогдуулан мөрдөн байцаалт явуулсан юм. Тэгвэл Баянзүрх дүүргийн Прокурорын газраас эрүүгийн хуулийн гэр бүлийн хүчирхийлэл үйлдэх, хууль сахиулагчийг эсэргүүцэх, хүний эрүүл мэндэд хөнгөн хохирол санаатай учруулах гэсэн заалтнуудаар яллах дүгнэлт үйлдэж ирүүлсэн бөгөөд Г.Загдаа, түүний эхнэр Г.Амарсайхан нарт холбогдох эрүүгийн хэргийн гэм буруугийн шүүх хуралдаан Баянзүрх дүүргийн Эрүүгийн хэргийн анхан шатны шүүхэд 2020 оны арваннэгдүгээр сарын 9-ний 10:00 цагт болох юм байна.