“Монгол" гэдэг нэрийг хараалын үг болгосон Формулагийн тамирчинг уучлал гуйхыг шаардав

Саяхан  Португальд болсон Formula One World Championship уралдааны дараа Red Bull багийн тамирчин, Нидерландын Макс Верстаппен зам дээр бэлтгэл хийхдээ өрсөлдөгч тамирчин Лэнс Строллтой мөргөлдсөн юм. Үүний дараа Верстаппен радиогоор өрсөлдөгч тамирчин руу дайрахдаа “What a retard. What a mongol” гэж хараасан нь шүүмжлэл дагуулаад буй.

Энэ явдлын дараа Монгол нэрний талаар буруу ойлголтыг арилгах зорилготой Mongol Identity байгууллагаас нээлттэй захидал илгээж, Нидерландын тамирчнаас уучлал гуйхыг шаардсан юм.

Дауны синдромтой хүмүүст хамааралтай "монголоид" хэмээх нэр томъёог 1965 онд ДЭМБ-аас монгол угсаатныг доромжилсон хэмээн хэрэглэхгүй байхыг анхааруулсан байдаг.