Шуурхай: Цагааннуур, Боршоо боомтыг 21 хоногийн хугацаатай түр хааж байна

Өнгөрсөн шөнө /2020.10.29/ Цагааннуурын Улаанбайшинт боомтоор орж ирсэн ОХУ-ын ачаа тээврийн хоёр жолоочоос коронавирсуын халдвар илэрч, тухайн хоёр иргэн халуурсан шинж тэмдэггүй учраас эх орон луу нь буцаан гаргажээ.

Баян-Өлгий аймгийн "Цагааннуур", Увс аймгийн "Боршоо" боомтыг түр хугацаагаар хаахаар ЗГ-ын ээлжит бус хуралдаанаар шийдвэрлэлээ. Тус боомтуудаар орж ирж байгаа ачаа барааны 75 хувь нь бензин, дизель бүтээгдэхүүнийг нэвтрүүлдэг. Монгол Улс нефтийн бүтээгдэхүүний 30 хоногийн нөөцтэй байгаа талаар мэдээлж байна. Алтанбулаг, Замын-Үүд, Шивээхүрэнгийн боомтод хөл хорионы бүс тогтоож,жолооч нарыг нааш нь оруулахгүй байх чиглэлээр ажиллаж эхэлжээ.