Солонгосын Эрүүл мэндийн сайд томуугийн вакцин тариулжээ

Томуугийн вакцин тариулсны дараа Солонгос улсад  59 хүн нас барсан нь вакцины аюулгүй байдалд иргэдийг эргэлзэхэд хүргэсэн билээ. Тэгвэл энэ эргэлзээг тайлж, олон нийтийг тайвшруулахын тулд тус улсын 64 настай Эрүүл мэндийн сайд Пак Нын Ху  энэ сарын 27-нд томуугийн вакцин хийлгэжээ.

Солонгос улс даваа гаригаас эхлэн 62 ба түүнээс дээш насны ахмадуудаа улирлын томуугийн вакцинд хамруулахаар болсон. Энэ үеэр Эрүүл мэндийн сайд Пак Нын Ху томуугийн вакцины ашиг тусын тухай олон дахин давтан ярьж, нас барсан дээрх хүмүүсийн үхлийн шалтгаантай вакцин ямар ч хамааралгүй гэсэн судлаачдын дүн шинжилгээнд итгэхийг хүссэн юм. Пакын өмнө Ерөнхий сайд Чон Се Гюн Сэжон хотын эрүүл мэндийн төвд энэ сарын 21-нд очиж томуугийн вакцинд хамрагдсан билээ.