Ерөнхий сайд У.Хүрэлсүх: Гэр бүлийн хүчирхийлэлтэй хатуу тэмцэнэ

Монгол Улсын Ерөнхий сайд У.Хүрэлсүх өнөөдөр /2020.10.27/ ЦЕГ-ын бие бүрэлдэхүүнтэй цахим уулзалт хийж, үүрэг чиглэл өглөө. Уулзалтад Ерөнхий сайдаас гадна Хууль зүй, дотоод хэргийн сайд Х.Нямбаатар, Ерөнхий сайдын зөвлөх Ц.Нямдорж нар оролцлоо. 

"Гэр бүлийн хүчирхийлэл газар авсан. Ард түмэн маш их бухимдаж байна. Гэр бүлийн хүчирхийллийг таслан зогсох хэрэгтэй. Гэр бүлийн хүчирхийллийн улмаас бага насны хүүхдүүд амь насаараа хохирох явдал гарсаар байна. Иймээс холбогдох төрийн болон төрийн бус байгууллагуудтай хамтран ажиллаж тодорхой арга хэмжээг авах хэрэгтэй" гэж Ерөнхий сайд У.Хүрэлсүх хэллээ.

Ерөнхий сайд цагдаагийн бие бүрэлдэхүүн, дарга нарт тодорхой үүрэгч, чиглэлийг өглөө. Үүнд: 

1. Гэр бүлийн хүчирхийлэлтэй тэмцэх тухай хуулийн хэрэгжилтийг хангах, энэ төрлийн гэмт хэргээс урьдчилан сэргийлэх ажлыг эрчимжүүлж, хороо болон дүүргийн Засаг дарга нартай хамтарч ажиллаж, гэр бүлийн хүчирхийлэл үйлдэж байгаа айл өрхийг олж тогтоон, хяналт тавьж ажиллахыг үүрэг болгож байна. Гэр бүлийн хүчирхийлэл газар авлаа. Үүнд ард түмэн их эмзэглэж байна. 

2. Бага насны хүүхдийн эрх ашиг хохирч, амиа алдаж байна. Төрийн болон төрийн бус байгууллагатай хамтран ажиллаж, шуурхай ажлыг зохион байгуулах хэрэгтэй байна.