МҮОНРТ-ийн захирал Л.Нинжжамц ажлаас чөлөөлөгдөх өргөдөл өгөөгүй гэв

Ойрын  өдрүүдэд МҮОНРТ-ийн захирал Л.Нинжжамцыг огцрохыг шаардаад байгаа билээ. Тодруулбал цар тахлын үеэр далимдуулан ажилчдынхаа цалинг хассан ч  өөрсдийгөө урамшуулж, реклам зар сурталчилгааны орлого, татвар төлөгчдийн мөнгийг үргүй зарцуулсан. Ажлын байрны дарамт, хэвлэлийн хараат бус байдал, хээл хахууль, үндэслэлгүйгээр ажлаас халах, ажилчдаа тагнаж чагнах гэх мэт ёс бус зүйл их гарч байгааг ил болгож, уран бүтээлчид эсэргүүцлээ илэрхийлж байгаа юм. 

Тэгвэл зарим хэвлэл мэдээллийн хэрэгслээр “Л.Нинжжамц өөрийн хүсэлтээр ажлаа өгөхөөр болжээ” гэх мэдээлэл цацагдаад байгаа юм. 
Энэ талаар МҮОНРТ-ийн захирал Л.Нинжжамцаас 15 цаг 57 минутад  өөрөөс нь тодруулахад “Одоогоор энэ талаар ямар нэгэн шийдвэр гаргаагүй, ажлаас чөлөөлөгдөх өргөдлөө ч өгөөгүй.Үндэсний зөвлөлийн хороо яг одоо хуралдаж байна. Хараахан ямар нэгэн шийдвэр гараагүй" гэлээ.