​Хөлдөөсөн бүтээгдэхүүний баглаа боодлоос амьд коронавирус илэрчээ

Хятадад хөлдөөсөн бүтээгдэхүүний баглаа боодлоос анх удаа амьд коронавирус илэрчээ. БНХАУ-ын
Өвчинд хяналт тавих, урьдчилан сэргийлэх төвийн мэдэгдсэнээр, Чиндао хотод “Ковид-19” халдварт
өвчин дэгдэсний шалтгааныг олох шалгалтын явцад амьд вирусийг илрүүлсэн байна. Өөрөөр хэлбэл,
хөлдөөсөн бүтээгдэхүүний баглаа боодолд хүрснээр халдвар авах магадлал бага хэдий ч боломжтой
аж.
“Хөлдөөсөн хүнсний бүтээгдэхүүний баглаа боодлын гадаргуун дээрээс амьд вирус илэрсэн нь анхны
тохиолдол бөгөөд баглаа боодлын гадаргуунд хүрэх нь коронавирусээр халдварлахад хүргэж
болзошгүй” хэмээн мэдэгдэлд дурдав.
Тодруулбал, БНХАУ-д есдүгээр сарын сүүлчээр Оросоос оруулж ирсэн хөлдөөсөн арваалжны
савлагаан дээрээс коронавирус илэрчээ. Савлагаанд хүрсэн бүх хүнийг эмнэлгийн ажиглалтад
оруулсан байна. Түүнчлэн тэднийг шинжилгээнд хамруулахад халдвар илрээгүй байна.