Оросын хүн ам багасаж байна

Хүн амын өсөлтийн төлөвийг өндрөөр таамаглаж байснаа ОХУ-ын Засгийн газар бууруулжээ. Улс
орныг 2030 он хүртэл хөгжүүлэх үндсэн зорилтыг хэрэгжүүлэх төлөвлөгөөнд энэ тухай тусгагдсан
байна. Засгийн газрын тооцоолж байгаагаар цар тахал нүүрлэсэн энэ 2020 онд Оросын хүн ам 352
мянгаар цөөрөх бөгөөд энэ нь 2006 оноос хойших хамгийн өндөр үзүүлэлт болох гэнэ. 2025 он гэхэд хүн амын тоо 1,2 саяар цөөрнө гэсэн таамгыг Засгийн газар хийсэн аж.
2030 он хүртэл хүн амын өсөлт бараг ажиглагдахгүй гэж үзэж буй юм. Шинэ төрөлтийн тоо нас
барагсдын тооноос илүүтэй байхаар байгаа, мөн гадаад улс орноос Орост шилжин суурьшигчдын тоо
өсөхгүй хандлагатай байгаа нь үүний шалтгаан болжээ. Үндэсний Статистикийн хорооны мэдээгээр
энэ 2020 оны эхний найман сарын байдлаар 346,9 мянган нас баралт бүртгэгдсэн нь өнгөрсөн оны
мөн үеэс 6 хувь өссөн дүн юм.
Түүнчлэн 2017-2019 оны хооронд Орост шилжин суурьшсан цагаач иргэдийн тоо хүн амын дундах нас
баралтын тоог даваагүйг Үндэсний Статистикийн хороо онцоллоо. Тус хорооны мэдээгээр 2019 онд
шинээр төрсөн иргэдийг 2017 онтой харьцуулахад 12 хувиар бага байсан бол шилжин суурьшигчдын
тоо 0,6 хувиар буурсан байна.
2036 он гэхэд Оросын хүн өсч 150,126 саяд хүрч, дундаж наслалт 73-д хүрнэ гэж Засгийн газар
тооцоолж буй юм.