News.mn: Төрийн байгууллагаас мэдээлэл авах сэтгүүлчийн үйл явц улам л бүр саадтай тулах боллоо

Мэдээллийн  News.mn сайтаас мэдэгдэл гаргалаа. 

Мэдэгдэлд: 

Мэдээлэл ил тод, нээлттэй байх тусам мэдээлэлтэй иргэдийн тоо нэмэгдэж, тэр чинээгээр ардчилсан нийгэм батжих учиртай. Гэвч монголын төрийн байгууллагаас мэдээлэл авч түгээх сэтгүүлчийн үйл явц улам бүр саадтай байх боллоо.  Төрийн бүхий л шатны байгууллага цар хүрээнээсээ хамаарч хэвлэл мэдээллийн алба, ажилтантай болсон нь сайшаалтай. Харин энэхүү албан тушаалын үүргийг төрийн байгууллага болон хэвлэл мэдээлэл хоёрын дунд баямбай маягаар ашиглаж, зөвхөн хүссэн мэдээллийг  өөрсдийн шүүлтүүрээр оруулан мэдээлэх ёстой гэсэн ташаа ойлголт хавтгайрлаа. 

Тиймээс төрийн бүхий л шатны байгууллагын удирдлага болон хэвлэл мэдээлэл хариуцсан алба, ажилтнуудад хуулийн даагуу, ёс зүйтэй, хариуцлагатай ажиллахыг хүсч энэхүү мэдэгдлийг гаргаж  байна.