Баримт: Т.Баясахын эзэмшлийн компани ЗХЖШ-т 3 тэрбум 312 сая 100 мянган төгрөгийн мах нийлүүлжээ

Баянзүрх дүүргийн засаг дарга Т.Баясах нь "Баатрууд тэнгэр "ХХК-д хувьцаа эзэмшдэг. Түүний хувьцаа эзэмшдэг компани ЗХЖШ-т д 3 тэрбум 312 сая 100 мянган төгрөгөөр мах нийлүүлэн гэрээлжээ. Т.Баясах нь 2013-2016 онд Баянзүрх дүүргийн Засаг даргын орлогчоор ажиллаж байхдаа 2014 онд ШШГЕГ-ын мах нийлүүлэх тендерт шалгарч, 2016 онд ЗХЖШ-т 3 тэрбумын мах, махан бүтээгдэхүүн нийлүүлсэн нь шилэн дансны мэдээлэлд бүртгэгдэн үлджээ.

Түүний хувьцаа эзэмшдэг "Баатрууд тэнгэр ХХК" нь ШШГЕГ-т мах нийлүүлэх тендэрт ялж мах махан бүтээгдэхүүн нийлүүлдэг болсныг тендерийн урилгаас харж болно.

Т.Баясах нь 2013-2016 онд Баянзүрх дүүргийн Засаг даргын орлогчоор ажилладаг байхдаа 2014 онд ШШГЕГ-ын мах нийлүүлэх тендерт шалгарахад тухайн үедээ албан тушаалаараа албан тушаал нөлөөлсөн байх магадлалтай байна.

БЗД-ийн засаг дарга Т.Баясахын хувьцаа эзэмшдэг Баатарууд тэнгэр ХХК адууны мах, үхрийн мах, хонины мах, ямааны мах, махан таташ зэргийг ШШГЕГ-т нийлүүлэх гэрээ хийжээ. Ингэхдээ тухайн үед 315 сая 200 мянган төгрөгийн мах, махан бүтээгдэхүүн нийлүүлж байжээ.

ЗХЖШ-аас  Зэвсэгт хүчний 310 дугаар ангид Баатарууд тэнгэр ХХК-иас мах нийлүүлж байх албан бичгийг "зөвлөмж" хэлбэрээр хүргүүлсэн байна. 

Тухайн үед Зэвсэгт хүчний жанжин штабын дарга Д.Даваагийн гарын үсэгтэй байх албан бичгэнд "Баатрууд тэнгэр "компаниас 3 тэрбум 312 сая нэг зуун мянган төгрөгийн мах махан бүтээгдэхүүн авч байжээ.

Зэвсэгт хүчний жанжин штаб  болон Зэвсэгт хүчний анги, ШШГЕГ-т  мах махан бүтээгдэхүүнийг олон тэрбумаар нь нийлүүлэх тендерт шалгарахад өнөөдрийг хүртэл түүний албан тушаал нөлөөлж байгаа эсэх нь анхаарал татаж байна.