Г.Дагиймаа: Талийгаач охины нарийн гэдэс шархалж, бүдүүн гэдэс урагдсаны улмаас амиа алдсан байх магадлалтай

Хойд эцгийнхээ гарт амиа алдсан 9 настай охины асуудлаар УИХ дахь эмэгтэй гишүүдийн бүлэг Цагдаагийн байгууллагын төлөөлөлтэй уулзлаа. Энэ үеэр Шүүх шинжилгээний үндэсний төвийн шүүх эмнэлгийн хэлтсийн дарга, хурандаа Г.Дагиймаа мэдээлэл өглөө. 

Тэрбээр "Шүүх шинжилгээний дүгнэлт хараахан гараагүй байна. Энэ хэрэг энэ сарын 19-20-нд шилжих шөнө  гарсан. Улмаар 20-ны өглөө яаралтай задлан шинжилгээд оруулсан. Гадна талд нүүр тухны хэсэг хуучин зулгаруудтай. Дотор эрхтнийг шинжлэхэд  баруун талынх нь  хавирга 11-12, 4-5 хавирга нэлэнхүүдээ хугарсан бороолсон байдалтай, Ингэхэд 4-5 хавирга хугарсан, бороолсон байдалтай. Мөн  12 хуруу гэдэс няцарсан шархтай, бүдүүн гэдэсний  урагдалтай. Бүдүүн нарийн гэдэснээс эхлээд дотор эрхтэн нь маш ихээр гэмтсэн, гадаргуутай зүйлээр цохиж гэдэс нь цоорсон учраас доторх агууламж нь биед нь тархаж үрэвсэл үүсгэсний улмаас амиа алдсан  байх боломжтой" гэлээ.