Хоёр настай охиноо өргүүлнэ гэж цахим орчинд нийтэлсэн эцэг, эхийг цагдаагийн байгууллага шалгаж эхэллээ

Сүүлийн үед цахим орчинд Хоёр настай охиныг "айлд өргүүлнэ" гэх зараар охины зургийг тавьж, фейсбүүкт нийтэлсэн нь ихэнх хүмүүсийн бухимдлыг хүргэсэн.

Хоёр настай охиныг "айлд өргүүлнэ" гэх зарыг охины зурагтай хамт Төв аймгийн нэгэн сумын фейсбүүк зарын групп дээр байршуулсан хэргийг Төв аймгийн Жаргалант сумын цагдаагийн газраас шалгаж эхэлжээ. Бид энэ асуудлаар Төв аймгийн Гэр бүл, хүүхэд, залуучуудын хөгжлийн газрын дарга Г.Бадамцэцэгээс тодруулахад тухайн охины ар гэр Төв аймгийн Жаргалант суманд хоёр жилийн өмнө шилжин ирсэн. Цагдаагийн байгууллагаас мөрдөн байцаах ажиллагаа явуулж, хамтарсан баг гарч ажиллаж байна. Охины гэрт нөхцөл байдлын үнэлгээ хийж байгаа бөгөөд одоогоор охин хаана байгаа нь тодорхойгүй гэх мэдээллийг өглөө.